Mir (dr Luca 25i, Gabriel 30i und Lionel 27i) sueche für üsi 4er WG im Sulgenauquartier eh nöii*ä Mitbewohner*in zwüsche 22i-35i, wo am bestä ufe 7. September odr de Oktober 2026 chönnti ihzieh. DWohnig isch im 4te Stock (es het eh chlinere Lift) und isch insgesamt 160m2 (über 2 Stockwerk). Dr Bahnhof Bärn isch ih ca 10-15min zFuess zerreiche und öbbe ih 2Min dTram-/Bushautesteu Sulgenau. Basically nebe dr WG hets es Coop und chli witer furt bir Monbijoubrügg eh Aldi.

Dis Zimmer isch 15m2 gross. DWohnig säuber isch sehr grossrüümig, het 2 Badzimmer, 2 Wohnzimmer und ä sehr eh gmüetlechi und grossi Dachterassä. Drzue heimer es ar Wohnig ahgschlossnigs Estrichabeil und eh eigeti Wöschchuchi mit Wöschturm. DMieti wär ca. 979.-/Mt., dMietzinskaution wär 3 Monetsmietinä.

Zu Üs:
Mir si eh sehr offnigi WG, wo immer für quirligi Ideeä zha isch, egau öb am 2 am Morge uf für ne 50km Wanderung, eh churzä Sprung id Aarä nachem Schaffä oder eifach spontan zämä ZNachtchochä (odr jede fr sich und ner zeme esse). Mir si ke Zwäcks-WG, schetzes aber mega fescht, outonom ungerwägs zsii. So chas sii dassme sich mengisch weniger gseht, wenn gd aui viu am loufe hei oder haut de meh wenn weniger individuells louft. Und weme zämä ir Wohnig isch darfs gärn zu Gspräch über Gott und die Welt choo aber wenn öbber gd lieber fr sich säuber ungerwägs wott sii, het ds absolut immer platz. Grundsätzlech simer dert mega ufem aues darf nüt muess-Trip. Mir si aui rächt sportlech, auso faus zwüschedüre no öbber suechsch wo spontan ufne Sport-Sesh ihladet odr mitchunt, bisch hie genau richtig :D

Luca:
Ih bi dr Luca, bi 25ii und bi zBärn ufgwachse.
Ih ha dä Summer mis Studium ir Soziale Arbeit abgschlossä. Aus Erstusbildig hani dChochlehr gmacht.
I mire Freizyt machi und luegi gärn Sport, vorauem Schutte.

Gabriel:
Ig bi dr Gabriel, bi 30i und ursprünglech us dr Ostschwiz. Ig schaffä zBärn ir Wirtschaftsförderig. Ih mire Freizit machi gärn Sport, ha aues mögleche gärn aber momentan bini gd viu im Crossfitt odr im BJJ. Im Summer bini gern dusse und wenn immer möglech ih dr Aarä odr gange ab und zue ou mau go Wandere oder Fauschirmspringä.

Lionel:
Ig bi dr Lionel, 27i und momentan grad ih mine Praktikas für speter ner ad Ahwautsprüefig zgah. Im Summer bini öbbe die gärn dussä, egau weles Abentür, öb Sport, Wanderä, ir Aarä odr uf dr Dachterasse am es Matcha-Latte gniessä. Spile sehr gärn Brätt-/Gseuschaftspili, bi immer für nes Gspräch über jedes Thema, für spontani Abentüür und/oder Sport zha.

Mir fröie üs di kennezlehrä!