I üsere 4-er WG im schöne Bruchquartier wird ab ändi August es Zimmer frei. En tolli Altbau Wohnig a zentraler Lag.

Zom Zimmer:
S Zimmer esch 18m2 met grosse Fenster ond tollem altbau Charme. D Mieti esch 920.-/Monet inklusiv Nebechoste, Internet, TV und en Putzchraft fürd Gmeinschaftsrüüm.

D Wohnig:
Grossi Wohnig met gmeinsamer Chochi, Stobe und 2 Badezimmer
Gartensitzplatz mit Grill.

Öber üs:
Du wörsch zämmewohne met de Jenny (30, Lehrerin), Federico (30, selbstständig) und Lynn (27, Tierärztin). Mer send alli bruefstätig, schätzed es agnähms Mittenand, gueti Gspröch ide Chochi ond ab ond zue au üsi Rueh. Suberkeit esch üs wechtig.

Zu dir:
Du bisch ca zwösche 24i und 35i, offe, unkompliziert und möchtisch au gärn es respektvolls Zämmeläbe.

Wenn lost hesch zom mol verbicho, schrieb üs doch paar Sätz zu der, was du so i dim Läbe tuesch und was du der förs WG-Läbe wönschisch. Mer freued üs vo der zghöre und dech kennezlehre.

Jenny, Fedi und Lynn