dBushaltestelle Weinbergli isch direkt vor de Huustür, zum Posta hesch in 1' de Migros, Lidl, Coop und e Bäckerei erreicht, an See zur 'Ufschütti' bisch in 5' und de Bahnhof isch 1,3 km weg - wens pressiert bisch mitem Velo in 4' döt :)

Miar suachend: A ufgstellta:i Mitbewohner:in im Alter vo 20-26 Johr. Miar schätzend a offani Kommunikation und as gmütlichs Mitanand, aber au zum üsa Freiruum z ha. Bisch du öpper wo reud amna Sprung in See het, gmüatlichem Kaffi uf dr Dachterassa schätzt, Pflanza als schönnschti Deko gsehsch und freud an jeglicha Abentüürli hesch?

Miar sind:Tamara (22)und Nina (23), zwei liidaschaftlichi Outdoormenscha wo d Nasa liaber ar frischa Luft als ir Bibliotheke zwüscha Lehrbüacher hend. Drum sind miar vor allem an da Wuchanend im Winter in da Berga (Churwalda & Flims) zum am Nebel z entkoh. Miar studierend beidi im 5. Semester und schätzen z gmeinsama WG-Leba sehr.

Wenn du di agsprocha fühlsch, meld di gära und verzell üs doch vo dina versteckta Talent :)-> selta kunnts nämli vor, dass d Tamara iri Kinderliader fürs studium am Klavier üabt und dass d Nina Bündner Nusstorta bacht, selta aber as kunnt vor!

Miar freuend üs vo diar z ghöra