"WOKO WG Zimmer"

Mir sind: E bunti Mischig vo Student:Innen vo 19ni bis 30gi, meistens 50/50 Fraue und Männer. Studiert wird alles vo Biomedizin und Medizin, über Logopädie bis Theater und Kunst. Mit dir simmer z 10te, verteilt uf 4 Stöck. :)
Mir pfleged en guete WG-Vibe wo sich jede wohlfühle söll. Bi eus wird vo gschid bis dumm alles gmacht und diskutiert. Bi chlinnere und grössere Krise chammer uf die andere zelle, bimne Erfolg isch immer öpert ready zum ahstosse und all 3 mönet gits e richtigi fete i eusem party bunker.
Im Summer wird im Garte gwerklet und uf de Dachterrasse grilliert, im Winter gits öppe mal en gmeinsame Glüehwii-Abig, en Filmmarathon (vo Twilight, über Alien, bis zu Horrorfilm isch alles debi) oder en MarioKart Cup. Am Wuchenend finded sich au regelmässig es Trüppli für en gmeinsame Uusgang (Techno, Drum n Bass, Psytrance, Indie rock, metal...you name it).
I sim Zimmer, im Garte oder uf de Terasse het mer aber au sini Rueh und cha sich zruggzieh.

Mir sueched öpert wo...
- e WOKO tauglichi Frau isch
- Lust uf soziales geschnacke inere close WG het
- bi random abentüür, sport, tanz und trunk debi isch
- s läbe nöd allzu seriös nimmt und au mal über en bodelose witz lacht
- au bizli es Aug für Ordnig und Suuberkeit het

This is a swiss-german speaking WG. Please only apply if you understand swiss german. In our experience the WG-vibe really suffers when not everyone speaks the same language and we do not want people to get excluded from discussions because of language barriers

Zum Zimmer: Im Zimmer hets guet Platz für alles wommer bruucht (es grosses Bett, en Schrank, es Pult, es Regal etc.), mer wüssed aber leider nöd genau wie gross dasses isch. Es het en mega schöne Erker mit grosse Fenster. Dur d Fenster chunt super viel Liecht ine und meh cha dusse d Bäum, d Vögel und d Sterne beobachte. Will s Zimmer im erste Stock isch, het mer aber trotzdem gnueg Privatsphäre und me gseht vo usse nöd direkt ine.
S Huus isch wük top isoliert und het e Bodeheizig, darum ischs im Winter schön warm und im Summer relativ chüel. Hinderem Huus fangt praktisch direkt de Wald vom chäferberg ah, womer super cha spaziere oder jogge. Lärm vo dusse gits praktisch nöd. Defür hets en Garte, e Dachterrasse und en Cheller mit Wöschmaschiene.

Zude Lag: Busstation Glaubtenstrasse (3min; Busse 32 / 40 / 61 / 62), ETH Hönggerberg (zu Fuss 15min, mit dem Bus 5min), Bahnhof Oerlikon / UZH Oerlikon (mit dem Bus 7min, zu Fuss 35min, mit dem Velo 10min), UZH Irchel (Bus 15min), Coop Tankstelle (5min)